صاحبتي

صاحبتي دي حكايه
حكايه ملهاش نهاية
صاحبتي دي قمرايا
و نجمه في سمايا
وفي عز وقت الشدة
تلاقيها واقفة معايا
دي حكايه قلب طيب
ومن ربه قريب
دي حكاية كلها اخلاص
مش مصلحه وخلاص
ده هيا الي عرفتني يعني ايه صديق
وماسكه ايدي دايما و تنورلي الطريق
محافظة على أسراري جوه بير عميق
لا تعرف تتلون أو تلبس وشوش
ليها قلب أبيض و ووش حلو بشوش
محاوطني بحنانها و الخير عني لا تحوش
ولو حد في يوم أذاني بتجهزله الجيوش
بالخير بدعيلها دايما في الركوع و السجود
دي صديقتي جزء مني ..دي أحلى شيء في الوجود
صديقتي دي نعمة بعتتها ليا الأيام
ربي يخليكي ليا لآخر الزمان

~~~~~~~~~~~~
سلمى الريس