قبل ما أنام

وقبل أما أنام كل يوم
بيجيلي مطلع قصيده
مهياش حزينة و لا سعيدة
و لا فيها فكره جديدة
دي بس شوية كلام
بيمحي شوية ألام
و أقول ألحقها أوام
ألاقيها هربت وصارت بعيدة
وقبل أما أنام كل يوم
أحلم بيوم مفيهوش غيوم
و نجم بيسطع كل يوم
و مطر يمحي الهموم
و قلوب طيبة مهياش عنيدة

و نظن

و في لحظات الأسى و الشجون ..
نتوهم للحظة أننا حقاً مهمون ..
و أننا كل الحركات و السكون ..
و نتوهم أنهم لغيابنا مُلاحظون ..
و أن برحيلنا سيرحل الفرح من كل لون ..
و سيختفي القمر ز تنطفئ النجوم ..
و لن يبقى في السماء سوى الغيوم ..
و لن تلمع سوى الدموع في العيون ..
و تظن أنك أهم ما في الكون ..
و تبقى لظنونك أسير و مسجون ..
و الحق ..أنه قد تخوننا الظنون ..

Published with Blogger-droid v2.0.10

حاجات

ﺣﺎﺟﺎﺕ ﺑﺘﻔﺮﺣﻚ ﻭ ﺳﻂ ﺍﻟﺰﻋﻞ ..
ﺣﺎﺟﺎﺕ ﺑﺘﺴﻠﻴﻚ ﻭﺳﻂ ﺍﻟﻤﻠﻞ ..
ﻭ ﺣﺎﺟﺎﺕ ﺗﺰﺭﻉ ﺑﺪﻝ ﺍﻟﻴﺄﺱ ﺃﻣﻞ ..
ﻭﻛﻞ ﺷﻮﻳﺔ ﺗﻘﻠﺐ ﺑﻌﺪ ﻣﺎ ﺍﻗﻮﻝ ﺍﺗﻌﺪﻝ ...
ﻭ ﺍﺗﻔﺮﺝ ﻭ ﺃﺳﺄﻝ ﻧﻔﺴﻲ ﺍﻳﻪ ﺍﻟﻌﻤﻞ ..
ﻫﻴﻔﻬﻢ ﺩﻩ ﻭ ﻻ ﻫﻴﺠﻴﺒﻴﻠﻲ ﺷﻠﻞ ..
ﻗﺎﻟﻮ ﺯﻣﺎﻥ ﻭ ﻣﻦ ﻏﻴﺮ ﺯﻋﻞ ..
ﺍﻟﺤﺐ ﻣﻦ ﻏﻴﺮ ﺍﻣﻞ ..
ﺍﺳﻤﻰ ﻣﻌﺎﻧﻲ ﺍﻟﻬﺒﻞ ..
# ﻫﺒﻞ

الحُب

الحُب ..
أن أراك..
في تفتح الزهرات ..
في أجنحة الفراشات ..
في ابتسامة طفلة في الطرقات...
ان تكون لك كل الدعوات..
ان تكون اجمل الأمنيات...

أن أراك ..
في ضوء القمر ..
في حكايات السمر ..
في هدوء وجمال الَسحَر ..
في عيون كل البشر..

أن تسطع في عيني كالنجم ..
أن تكون يقظتي أجمل من أي حلم ..

أن أشعر في وجودك بالأمان ..
أن تشعر روحي بالسلام ..
أن أتمنى عند حديثنا أن تتوقف الأزمان ..
أن أعشق صمتك و الكلام ..
أن أستحضر كلماتك في كل مكان وزمان ..
أن يعزف الكون في وجودك أجمل الألحان ..
أن تتجمل الحياة بأجمل الألوان ...

أن أراك ..
في نقاء السحاب ..
في لقاء الأحباب..
على صفحات كل كتاب ..

أن أراك..
في قوس قزح ..
في كل معنى للفرح..

أن يتجدد الأمل ..
أن يتبدد الملل..
أن تكون الشهد و العسل ..

أن تكون عنوان كل قصيدة ..
أن تكون نبضات القلب سعيدة ..

سلمى

إلى السيد يومٌ ما - في يوم ميلادي

إِليك ...
أسعد اللّه مَساءك ..
و أبعد عنك كل ما ساءك ...
كل عام و أنت نبض القلب ..
و نور الدرب ..
و نعمة الرب ..

كل عام و أنت لي كل الكون ...
و أجمل من أجمل لون ...
أشعاري لك في الحفظ و الصون ..

كل عام و أنت فارس أحلامي ..
و ملئ و دفء أيامي ...
و سبب بسمتي و ماحي آلامي ...

كل عام وأنت أجمل إنسان ..
زرع في باحتي ألوان ...
وملئ قلبي بالايمان ..
وآخذ بيدي لجنة الرحمن ...

كل عام و أنت أيها الغائب الحاضر ..
أبيٌ حرٌ كالطائر ..
حماك ربي من كل جائر ...

كل عام و أنت سعيد ..
و حبك في قلبي يزيد ..
فأنت الحلم القريب البعيد ...
و أمنيتي في كل عام جديد ...
سلمى

سلمى الجديدة

ﻭ ﺍﻥ ﺑﺤﺜﺖ ﻓﻲ ﺧﺒﺎﻳﺎ ﻗﻠﺒﻲ ... ﻟﻦ ﺗﺠﺪ ﺳﻮﺍﻙ ..
ﻭﺍﻥ ﺳﺄﻟﺘﻨﻲ ﺍﺟﻤﻞ ﻣﺎ ﻓﻲ ﺍﻟﻜﻮﻥ ﺃﻗﻮﻝ لون ﻋﻴﻨﺎﻙ ..
ﻭ ﺍﻥﺳﺄﻟﺘﻨﻲ ﻣﺎ ﻳﺴﻌﺪﻧﻲ .. ﺍﻗﻮﻝ ﺳﻤﺎﻉ ﺍﺳﻤﻰ ﻣﻦ ﺷﻔﺘاﻙ ..
ﻭﺍﻥ ﺳﺄﻟﺘﻨﻲ ﻣﺎ ﺃﻣﻨﻴﺘﻲ ﻓﺴﺄﻗﻮﻝ ﺣﺘﻤﺎ ﻟﻘﻴﺎﻙ..
ﻛﻠﻤﺎﺗﻚ ﻭﺻﻤﺘﻚ ﻭ ﺟﻨﻮﻧﻚ ﻭ ﺭﺯﺍﻧﺔ ﻋﻘﻠﻚ ﻣﺎ ﺃﺣﻼﻙ ...
ﻭ ﺍﻥ ﺳﺄﻟﺘﻨﻲ ﺳﺮ ﺗﻌﺎﺳﺘﻲ ﺍﻗﻮﻝ ﺑﻌﺪﻙ ﻭ ﺟﻔﺎﻙ ..
ﻭ ﺍﻥ ﺑﻌﺪﺕ ﻭ ﺭﺣﻠﺖ ﻓﺤﺘﻤﺎ ﺳﺄﻧﺴﺎﻙ..
ﻓﺎﻟﺤﺐ ﻣﻦ ﻃﺮﻑ ﻭﺍﺣﺪ ﻳﺎ ﺣﺒﻴﺒﻲ ﻭﺟﻊ ﻓﻲ ﺍﻟﻘﻠﺐ
ﻭﺍﺧﺎﻑ ﻋﻠﻰ ﻧﻔﺴﻲ ﻣﻦ ﺍﻝ heart attack
ﺑﻼ ﺣﺐ ﺑﻼ ﻗﻠﺔ ﺍﺩﺏ :D :P

#ﺳﻠﻤﻰ_ ﺍﻟﺠﺪﻳﺪﺓ

متزعلش

ﺟﻮﺍﻳﺎ ﺣﺪ ﺯﻋﻼﻥ ﻣﻦ ﺣﺪ ﺟﻮﺍﻳﺎ
ﻣﺶ ﻋﺎﺭﻑ ﺍﻳﻪ ﺍﻟﻤﻮﺿﻮﻉ ﻭ ﻻ ﺍﻳﻪ ﺍﻟﺤﻜﺎﻳﺔ
ﻭ ﻻ ﻓﺎﻫﻢ ﺍﻳﻪ ﺳﺒﺐ ﺍﻟﺰﻋﻞ
ﻭ ﻻ ﻋﺎﺭﻑ ﺍﻳﻪ ﺑﺲ ﺣﺼﻞ
ﺟﻮﺍﻳﺎ ﺣﺪ ﺳﺎﻛﺖ ﻣﺶ ﺭﺍﺿﻲ ﻳﺘﻜﻠﻢ
ﻭ ﻛﻞ ﻣﺎ ﺍﻗﻠﻪ ﻣﺎﻟﻚ ﻳﺒﺼﻠﻲ ﻭ ﻳﺒﻠﻢ
ﺟﻮﺍﻳﺎ ﺣﺪ ﻗﺪﺍﻡ ﺍﻟﻨﺎﺱ ﺑﻴﻌﻤﻞ ﺳﻌﻴﺪ
ﻟﻜﻦ ﻣﻊ ﻧﻔﺴﻪ ﺗﻌﻴﺲ ﻭ ﻭﺣﻴﺪ
ﺟﻮﺍﻳﺎ ﺣﺪ ﺳﺎﻋﺎﺕ ﺑﻴﺤﺐ ﺍﻟﺤﺐ
ﻭ ﺳﺎﻋﺎﺕ ﻳﻜﺮﻫﻪ ﻣﻊ ﺍﻧﻪ ﻣﻠﻮﺵ ﺫﻧﺐ
ﺟﻮﺍﻳﺎ ﺣﺪ ﻣﻌﺎﻳﺎ ﺻﺮﻳﺢ
ﻭﺻﺮﺍﺣﺘﻪ ﺑﺘﺨﻠﻲ ﻗﻠﺒﻲ ﺟﺮﻳﺢ
ﺟﻮﺍﻳﺎ ﺣﺪ ﻣﺒﻴﺤﺒﺶ ﺍﻟﺴﻜﻮﺕ
ﻭ ﻟﻮ ﺳﻜﺖ ﻳﺒﻘﻰ ﺧﻼﺹ ﺑﻴﻤﻮﺕ
ﺟﻮﺍﻳﺎ ﺣﺪ ﺑﻴﺤﺐ ﻛﻞ ﻣﺎ ﻓﻲ ﺍﻟﻜﻮﻥ
ﻭ ﺗﺸﻮﻑ ﻛﻼﻣﻪ ﺗﻘﻮﻝ ﻣﺠﻨﻮﻥ
ﺟﻮﺍﻳﺎ ﺣﺪ ﻣﺶ ﻋﺎﺭﻑ ﻳﻌﻤﻞ ﺍﻳﻪ
ﻭ ﻟﻤﺎ ﺗﻘﻮﻟﻪ ﻣﺎﻟﻚ ﻳﻘﻮﻟﻚ ﺍﺯﺍﻱ ﻭﻟﻴﻪ
ﺟﻮﺍﻳﺎ ﺣﺪ ﺑﻴﺤﺐ ﻳﻌﻤﻞ ﻓﻴﻬﺎ ﺟﺮﺉ
ﻭﻟﻤﺎ ﺗﺒﺺ ﻋﻠﻴﻪ ﺗﻼﻗﻴﻪ ﻓﻲ ﺍﻟﺤﺰﻥ ﻏﺮﻳﻖ
ﺑﻴﺪﻭﺭﻓﻲ ﺍﻟﺪﻧﻴﺎ ﻋﻠﻰ ﺣﺒﻴﺐ ﻭ ﺻﺪﻳﻖ
ﺟﻮﺍﻳﺎ ﺣﺪ ﻧﻔﺴﻪ ﻳﻘﻮﻟﻚ ﻣﺘﺰﻋﻠﺶ
ﺑﺲ ﺧﺎﻳﻒ ﺗﻌﺎﺗﺒﻪ ﻓﻴﺴﻜﺖ ﻭ ﻣﻴﻘﻮﻟﺶ
ﺳﻠﻤﻰ

في الذكرى الثانية للثورة :)

بين سين وصاد

ﺑﻴﻦ ﺳﻴﻦ ﻭ ﺻﺎﺩ
ﺑﻨﺤﺼﺪ ﺣﺼﺎﺩ
ﺣﺼﺎﺩ ﺳﻨﻴﻦ
ﻣﻬﻴﺎﺵ ﺑﻌﺎﺩ
ﻗﺎﻟﻮﺍ ﻋﺸﺎﻥ ﺗﻌﺮﻑ ﺗﻌﻴﺶ ﻓﻲ ﻫﺬ ﺍﻟﺒﻠﺪ
ﺑﻄﻞ ﺗﻔﻜﺮ ﻭﺧﻠﻴﻚ ﻛﻤﺎﻟﺔ ﻋﺪﺩ
ﻭﺍﻳﺎﻙ ﻓﻲ ﻳﻮﻡ ﺗﺤﺎﻭﻝ ﺑﻨﺖ ﻛﻨﺖ ﺍﻭ ﻭﻟﺪ
ﻗﺎﻟﻮ ﻋﺸﺎﻥ ﺗﻌﺮﻑ ﺗﻨﺎﻡ
ﺑﻼﺵ ﺗﻔﻬﻢ ﻭﺑﻼﺵ ﻋﻼﻡ
ﻭﺍﻣﺸﻲ ﻭﺭﺍ ﻛﻼﻡ ﺍﻻﻋﻼﻡ
ﻭﺍﺣﻜﻲ ﻋﻦ ﺑﻠﺪ ﺍﻣﻦ ﻭ ﺍﻣﺎﻥ
ﻭﺍﻳﺎﻙ ﺗﺤﺎﻭﻝ ﺗﺤﻠﻢ
ﻻﺣﺴﻦ ﻣﻨﻤﻮﻉ ﺍﻻﺣﻼﻡ
ﻭ ﻃﻨﺶ ﻛﺘﻴﺮ
ﺗﻌﻴﺶ ﺍﻣﻴﺮ
ﻭ ﻣﻠﻜﺶ ﺩﻋﻮﺓ ﺑﻤﻠﻚ ﻛﺎﻥ ﺍﻭ ﻭﺯﻳﺮ
ﻭﻣﺘﺤﺎﻭﻟﺶ ﺗﺤﻞ ﻟﻐﺰ ﺍﻭ ﻓﻮﺍﺯﻳﺮ
ﻭﺣﺎﻭﻝ ﺗﺴﺮﻕ ﻋﻠﻰ ﻗﺪ ﻣﺎ ﺗﻘﺪﺭ
ﺍﺳﺮﻕ ﻛﺘﻴﺮ
ﻭ ﻣﺘﺤﻜﻠﻴﺶ ﻋﻦ ﻏﻔﻴﺮ ﻓﻘﻴﺮ
ﻣﺶ ﻻﻗﻲ ﺷﺮﺑﺔ ﻣﻴﺔ ﺍﻭ ﺣﺘﻪ ﻓﻄﻴﺮ
ﻳﺎ ﻋﻢ ﻛﺒﺮ ﻣﺨﻚ ﻣﻨﻬﻢ ﻛﺘﻴﺮ
ﻭﺧﻠﻴﻚ ﺣﻮﻳﻂ
ﻭﺍﻣﺸﻰ ﺟﻨﺐ ﺍﻭ ﺟﻮﺍ ﺍﻟﺤﻴﻂ
ﻭ ﻋﻠﻢ ﻭﻻﺩﻙ ﺍﻟﺼﻤﺖ ﻭ ﺍﻟﺴﻜﻮﺕ
ﻋﺎﻳﺰ ﺗﻌﺎﺭﺽ .. ﻋﺎﺭﺽ ﺑﺲ ﻣﻦ ﻏﻴﺮ ﺻﻮﺕ
ﻭﻋﻤﻠﻨﺎ ﺛﻮﺭﺓ
ﻭﻗﻠﻨﺎ ﻷ ﻣﻔﻴﺶ ﺳﻜﻮﺕ
ﻭ ﻗﻠﻨﺎ ﺍﺭﺣﻞ ﺑﺄﻋﻠﻰ ﺻﻮﺕ
ﻭ ﻣﺸﻰ ﻭ ﺭﺣﻞ
ﻭ ﻛﻞ ﻭﺍﺣﺪ ﻋﻤﻞ ﺑﻄﻞ
ﻭﻧﺴﻴﻨﺎ ﺍﻟﻲ ﺿﺤﻰ ﻭﻣﺎﺕ
ﻣﻌﻠﺶ ﺍﺻﻠﻪ ﻋﻠﻤﻨﺎ ﺍﻟﺴﻜﺎﺕ
ﻭ ﻋﻤﻠﻨﺎ ﺍﻧﺘﺨﺎﺑﺎﺕ
ﻭ ﺟﺎﻟﻨﺎ 13 ﻣﺮﺷﺢ
ﻭﻛﻞ ﻭﺍﺣﺪ ﻓﻴﻬﻢ ﻳﺸﺮﺡ
ﻧﺴﻴﻮﺍ ﺍﻥ ﺍﻟﺸﻌﺐ ﺑﻴﺎﻛﻞ ﻓﻮﻝ
ﻭﻛﻞ ﻭﺍﺣﺪ ﻓﻴﻬﻢ ﻗﻌﺪ ﻳﻘﻮﻝ
ﺍﻧﺎ ﻗﺎﺋﺪ ﺍﻟﺜﻮﺭﺓ ﺍﻟﻤﺠﻴﺪﺓ
ﺍﻧﺎ ﺍﻟﻲ ﻫﻌﻴﺸﻜﻮﺍ ﻋﻴﺸﺔ ﺳﻌﻴﺪﺓ
ﻭﻧﺠﺢ ﻗﺎﺋﺪ ﻣﺼﺮ ﺍﻟﺠﺪﻳﺪﺓ
ﻭ ﻗﺎﻝ ﺍﻧﺎ ﺑﺤﺒﻜﻢ ﻛﻠﻜﻢ ﺍﻩ ﻛﻠﻜﻢ
ﺳﻴﺪ ﻭ ﺳﻌﻴﺪ ﻭ ﻫﻨﺎﺀ ﻭ ﺗﻔﻴﺪﺓ
ﻭ ﻣﺤﺪﺵ ﻋﻤﻞ ﺣﺎﺟﺔ ﻣﻔﻴﺪﺓ
ﺍﺻﻠﻨﺎ ﻧﺴﻴﻨﺎ ﺍﻟﻲ ﻣﺎﺕ
ﻭ ﺍﻟﻲ ﻣﺎﺕ ﻓﺎﺕ
ﺑﺲ ﻋﻤﺮﻱ ﻣﺎ ﻫﻘﻮﻝ ﺍﺳﻒ
ﻏﻴﺮ ﺍﻧﻲ ﺍﺳﻒ ﻋﻠﻰ ﺍﻟﺴﻜﺎﺕ ...
ﺳﻠﻤﻰ ﺍﻟﺮﻳﺲ

إلى السيد يوماً ما - الرسالة الرابعة

ﺍﻟﻴﻚ ﻭ ﻣﻨﻚ ﻭ ﻋﻨﻚ
ﻗﺴﺖ ﻋﻠﻴﻬﺎ ﺍﻻﻳﺎﻡ
ﻭﺿﺎﻋﺖ ﻣﻨﻬﺎ ﺍﻷﺣﻼﻡ
ﻭﺟﻒ ﺣﺒﺮ ﻣﻦ ﺍﻷﻗﻼﻡ
ﻟﻤﺎ ﺗﻌﺪ ﺗﺮﻱ ﺳﻮﻯ ﺍﻟﺠﻔﺎﺀ
ﻭ ﺻﺒﺮﻫﺎ ﺷﺎﺭﻑ ﻋﻠﻰ ﺍﻻﻧﺘﻬﺎﺀ
ﻭ ﺍﺻﺒﺤﺖ ﻣﺸﺎﻋﺮﻫﺎ ﺻﺤﺮﺍﺀ ﻗﺤﻼﺀ
ﻭ ﺍﻧﺘﻬﺖ ﻗﺼﺘﻜﻤﺎ ﻗﺒﻞ ﺍﻻﺑﺘﺪﺍﺀ
ﻭ ﻟﻢ ﺗﻌﺪ ﺗﻨﻔﻊ ﻛﻠﻤﺎﺕ ﺍﻟﻐﺰﻝ ﻭ ﺍﻟﻬﺠﺎﺀ
ﻭﻟﻢ ﺗﻔﻬﻢ ﺍﻧﺖ ..ﻭ ﺍﻟﻘﺼﺔ ﺗﺤﺘﺎﺝ ﺍﻟﻲ ﺫﻛﺎﺀ
ﻓﻠﻢ ﺗﺤﺘﻮﻱ ﻗﻠﺒﻬﺎ ﻭ ﺗﻌﻲ ﺣﺎﺟﺎﺗﻬﺎ ﻟﻼﻧﺘﻤﺎﺀ
ﻛﺎﻧﺖ ﻣﺘﻌﻄﺸﺔ ﻟﻚ .. ﻭ ﻟﻢ ﺗﻘﺪﻡ ﻟﻬﺎ ﺍﺭﺗﻮﺍﺀ
ﻛﺎﻧﺖ ﺗﺤﺎﻭﻝ ﺯﺭﻉ ﺑﺎﺣﺔ ﺣﺒﻜﻤﺎ ﻭﺭﺩﺍ
ﻭﻛﺎﻧﺖ ﺗﺴﻘﻴﻬﺎ ﺣﻨﺎﻧﺎ ﻭ ﻋﻄﻔﺎ ﻭﻭﺩﺍ
ﻭ ﻟﻜﻨﻬﺎ ﻟﻢ ﺗﺪﺭ ﺍﻥ ﺍﺭﺿﻚ ﺟﺮﺩﺍﺀ
ﺗﻠﺘﻬﻢ ﻛﻞ ﺍﻷﺷﻴﺎﺀ
ﻻ ﺯﺭﻉ ﻓﻴﻬﺎ ﻳﺼﻠﺢ ﻭ ﻻ ﻣﺎﺀ
ﻣﻊ ﺍﺧﺘﻼﻑ ﺍﻷﺯﻣﻨﻪ ﻭ ﺍﻷﺳﻤﺎﺀ
ﺍﻟﺤﺐ ﻟﻬﻮ ﻟﻌﻨﻪ ﺑﻞ ﻫﻮ ﺍﺑﺘﻼﺀ
ﻳﺪﻣﻴﻚ ﻳﺴﻠﺒﻚ ﺍﺟﻤﻞ ﺍﻷﺷﻴﺎﺀ
ﻳﺒﻜﻴﻚ ﻳﺤﺰﻧﻚ ﺻﺒﺤﺎ ﻭ ﻣﺴﺎﺀ
ﻧﻌﻢ ﻳﺎ ﺳﺎﺩﺗﻲ ﺍﻧﻪ ﺍﺑﺘﻼﺀ
ﻭﻟﻜﻨﻪ ﺧﺎﺿﻊ ﻟﻌﺪﺍﻟﺔ ﺍﻟﺴﻤﺎﺀ ..
(:
#ﺭﺑﻨﺎ _ﻳﻌﺎﻓﻴﻨﺎ
ﺳﻠﻤﻰ ﺍﻟﺮﻳﺲ

تعب القلب

تعب القلب
سكت الحب
أصل الغيرة
عملت حيرة
و نزل الدمع فوق الخد
بس محسش بيها
و لا سمع بكاها حد
بس بتكتم
و تفضل تحلم
انه يحب
انه يحس بنبض القلب
بتخبي غيرتها
و ترسم فوقيها ضحكتها
و تحط فوقيهم شقاوتها
و تجس النبض
وتخاف ليكون فيه حد
بتحاول متغيرش
و تحاول متبينش
انه هوا الحب
وان مفيش غيره جوا القلب

سلمى الريس

خيال

بيحبها كلها
كده على بعضها
بهدؤها و بجنانها
وشقاوتها و حنانها
وفي كل حالاتها و الوانها
تسآله ليه يقول كده وخلاص
مهي ربت جواه اخلاص
وهي بتحبه كمان
اصلهاشايفة جواه انسان
بيحلم احلام الوان
وتشوف خياله تقول فنان
بتحبه حب خيالي
لا يخطر على بالك و لا بالي
ده فارسها في كل زمان ومكان
فارس بأخلاقه من غير حصان
دي بتدعي قبل ما تنام
يكون وياها في احلى مكان
جنة خلد عند الرحمن :)
و متسألونيش ده جد ولاخيال
يمكن جد ...يمكن خيال ..
بس مفيش على ربنا محال

سلمى الريس

تسمحلي أنصب عليك ؟؟

اسمحلي انصب عليك
و اسرق الدمع من عنيك
و أنا إيدي في إيديك ..
تسمحلي ؟؟

واسمحلي أسرق كمان ..
من جواك شوية أحزان ....
و ارميها في اي مكان ...
وازرع جواك ورد الوان...
و أخليك أسعد إنسان ..
تسمحلي ؟؟

اسمحلي انصب نصباية
وواكتب معاك اجمل حكاية
تكون إنت فيها ويايا
يا فرحة عمري و هنايا
تسمحلي ؟؟

اسمحلي انط سور قلبك
واشيل همومك و مشكالك
و في فرح و حزن أكون جنبك
تسمحلي ؟؟

تسمحلي أنصب عليك
دة أنا عندي فكرة هايلة
و أنا عارفة دي دنيا زايلة
لو شفنا سحابة للهم شايلة
نقولها الشمس برضة جاية
تسمحلي ؟؟

تسمحلي أنصب عليك
و أبيعلك حبة جنان
دة أنا شايفة جواك إنسان
ماسك ريشة فنان
شايل همة على كف
و في الكف التاني ألوان

سألوني عنك

وسألوني عنك فقلت لهم
ايوا هو عسل و عسلية
و شكولاتة بالبندق محشية
و سكر قلبي و نور عينيا
وكل حاجة حلوة في الدنيا
و الصعب يهون عليا
طول ما ايده في ايديا

#حتة_سكر :)
سلمى الريس

أشتاقك

أشتاقك ...
بعدد نجوم السماء ...
بعدد قطرات الماء ...
بعدد ما وجد من أسماء...

أشتاقك
بعدد نبضات القلب ...
بعدد ما مشيت خطوات في درب...

أشتاقك
بعدد قطرات الندى ...
بعدد ما سمع للصوت صدى ...

أشتاقك
بعدد حبات المطر ..
و بعدد ليالي النوم و السهر ..
و بعدد ما أحاط الليل القمر ...

أشتاقك
بعدد أشعة الشمس ..
و بعدد ما سمع من الهمس ...

أشتاقك
بعدد الأيام على الأرض...
و بعدد خطوط الطول و العرض ...

أشتاقك
بعدد المواليد ...
و بعدد كل عام جديد ...
و بعدد كل طفل سعيد ...

أشتاقك ..
بعدد ما سمع لأوراق الشجر من حفيف ...
بعدد ما وجد من صيف و شتاء وربيع و خريف ...

أشتاقك
بعدد الإبتسامات ...
وبعدد النجوم في السماوات ...
و بعدد الشموس و المجرات ...

أشتاقك
بعدد نسمات الربيع ...
بعدد كل شيء بديع ...

أشتاقك فهل تشتاق ؟؟؟
سلمى الريس

إلى السيد يومٌ ما - الرسالة الثالثة

إليك ومنك و عنك..
عن طول الغياب ..
عن الصمت..
عن الوحدة ...
عن الأيام المتشابهه..
عن فيروز ..
عن رياح الشمال الحزينة..
عن الحب و الرحمة والسكينة ...
عن زحمة الأيام...
عن أجمل الأحلام ...
عن قلبك الصغير ...
عن حنانك الكبير...
أيها القريب كرمش في عيني...
أيها البعيد كـكوكب بلوتو ...
ماذا يفصلني عنك ؟
هل هي بضع خطوات ؟
أم مئات السنين الضوئية ؟
أكتب إليك يا عمري أنا ...
يا سر السعادة و الهنا ....
أشتاقك و اتسأل ...
هل أنت بخير ؟
و هل يبلغك سلامي الطير؟
و كيف هي أيامك ؟
و ما هو لون أحلامك ..؟
و هل يهمك كلامي .؟
وهل يسعدك سلامي ؟
أتمني لك يوم سعيد ..
فأنت حلا القلب و الحلم البعيد ...
ويا طير ...أخبروه ..
أنه أمنيتي للعام الجديد ..

سلمى الريس

كان ياما كان

كان ياما كان ....
جدتي قالتلي زمان ....
أما للحب ده بقى أشكال و ألوان ...
حب دلوقتي ...
و حب زمان ....حب شجاع ....
و حب جبان ...

وحب يضحك ...
و حب يحزن ...

و حب يخوف ..
و حب يحسسك بالأمان ..

حب يعقل ...
و حب يجيبلك جنان ...

حب يخلي دنيتك زهور ...
و حب يسرق منها الألوان ...

و في كل زمان و مكان ...
دايما صفي قلبك علشان ...
تفوز بحب الرحمن ...
و يرزقك بقلب زيك ...
طيب غلبان ...

#أي_كلام_في_أي_كلام

سلمى الريس

إلى السيد يومٌ ما - الرسالة الثانية

ﺳﺠﻞ ﻳﺎ ﺩﻓﺘﺮﻱ ... ﺍﺧﺒﺮﻳﻪ ﻳﺎ ﻧﺠﻮﻡ ...
ﻓﻲ ﻫﺬﻩ ﺍﻟﺴﺎﻋﺔ ﺍﻟﻤﺘﺄﺧﺮﺓ ﻣﻦ ﺍﻟﻴﻮﻡ ...
بسببه ﺍﺗﻘﻠﺐ ﻓﻲ ﻣﻀﺠﻌﻲ ﻭ هجرني ﺍﻟﻨﻮﻡ ...
ﺃﺧﺒﺮﻳﻪ ﺃﻥ ﻳﻄﻠﻖ ﺳﺮﺍﺡ قلبي ...
و ان يتوقف التجول في فكري ...
واخبريه يا اجمل الطيور ...
ﺃﺧﺒﺮﻳﻪ ﺃﻧﻲ ﺃﺣﺒﻪ ﻏﻴﻮﺭ...
و فوق كل ذلك صبور ...
واخبريه ان يجمل السجايا ..
فلا يهمني الشكل بل النوايا ..
واخبروه كم انا غيورة ..
و لاقل الاشياء له شكورة ...
اغار من كل شيء بك يحوم ...
من النسمات و الفراشات و النجوم ...
و يؤرقني التفكير فيك كل يوم...
اخاف ان اكفر بك و بالحب...
و لكن ما زالت بالامل اسقي القلب ...
فيا اجمل الطير ...
بلغيه اني اتمنى ان يصبح على خير ...

صباح الخير

صباح الخير ..
رزقك الله رزق الطير ..
إليك أسعد الله أيامك ...
و جعلني الله حلما من أحلامك ..
و رفيقة دربك و مخبأ سعادتك و آلامك ...

ومازلت اكتب اليك رسائلي كل يوم ..
على امل ان تقرأها يوما في يقظتك أو النوم ..
و سأظل أكتبها لك يوما بعد يوم و عاما بعد عام ...
حتى بعد أن يأتي بك القدر و الأيام ...
فما زال شعاع الامل يسطع بعد كل عاصفة بي تحوم ...
و مازلت اهمس للقمر و للنجوم ..
و مازلت ادعوا لك خفية كل يوم ...
أيها البعيد كنجم في السماء أيها القريب كنبض في قلبي ...
على اي بقعة من الأرض كنت ...كن بخيرفقط من اجلي ... :)

رسالة منسيّة المشهد الثاني

ﻤﺨﺎﻭﻓﻲ ﺗﻄﺎﺭﺩﻧﻲ ﺣﺪ ﺍﻟﻬﺬﻳﺎﻥ ..
ﻣﺎ ﻣﻦ ﺷﻲﺀ ﺃﺧﺎﻑ ﻣﻦ ﺣﺪﻭﺛﻪ
ﺇﻻ ﻭﺣﻠﻤﺖ ﺃﻧﻪ ﺣﺪﺙ ..
ﺣﺘﻰ ﺑﺖ ﻻ ﺃﻓﺮﻕ ﺑﻴﻦ ﻣﺮ ﺍﻟﻮﺍﻗﻊ ﻭ ﺃﺿﻐﺎﺙ ﺍﻷﺣﻼﻡ ..
ﻭ ﻫﺎ ﺍﻧﺎ ﺫﺍ ﺍﻗﻒ ﻋﻠﻰ ﻣﻔﺘﺮﻕ ﺍﻟﻄﺮﻳﻖ ...

ﻫﻞ ﺗﺪﺭﻱ ﺳﻴﺪﻱ ﻣﺮﻭﺭ ﻃﻴﻔﻚ ﺑﺠﺎﻧﺒﻲ ﻓﻘﻂ ﻳﺸﻌﺮﻧﻲ ﺑﺎﻻﻣﺎﻥ ..
ﻋﻘﻠﻲ ﺭﻓﻊ ﺭﺍﻳﺘﻪ ﺍﻟﻠﺒﻴﻀﺎﺀ ﻭ ﻗﻠﺒﻲ ﻳﺄﺑﻰﺍﻹﺳﺘﺴﻼﻡ ..
ﺍﺧﺒﺮﻧﻲ ﺳﻴﺪﻱ ﻣﺎ ﻫﻲ ﺍﺣﺘﻤﺎﻟﻴﺔ ﺍﻥ
ﺗﺸﻌﺮ ﺑﻲ ..و ان تعلم انك انت المنشود ..
ﻫﻞ ﻫﻲ ﺍﺣﺘﻤﺎﻟﻴﺔ ﺃﻋﻤﻰ ﺍﻥ ﻳﺒﺼﺮ ..
ﺍﻡﺍﺻﻢ ﺍﻥ ﻳﺴﻤﻊ .. ؟!
ﺍﻡ تراني ﺍﺻﺎﺑﺘﻨﻲ ﻟﻌﻨﺔ ﺍﺧﻮﺍﺕ ﺍﻟﺒﺎﺛﻮﻥ ﺣﻴﺚ ﺍﺻﺎﺑﺘﻬﻢ ﻟﻌﻨﺔ ﺍﻻﻟﻬﻪ ﺯﻳﻮﺱ ﺍﻥ ﻣﺎ ﻣﻦ ﺷﻲﺀ ﻳﻨﻈﺮﻥ ﺍﻟﻴﻪ ﺍﻻ ﻭ ﺗﺤﻮﻝ ﻟﺼﺨﺮ ..
لا ادري سيدي ما بي ..
هل تراني سأتعلم وأد مشاعري .. و إخراس قلمي ..
سيدي احتارت فيك الاشعار ..
لا غادة انقذتني و لا نزار ..
اتوه فيك و ليس لي اختيار ..
واحترفت الصبر و الانتظار ..
وادعوا وارجوا ان تأتي بك الأقدار ..
اتراك ذاك الامل الذي تحدث عنه درويش .. لست ادري ..
و في جنبات هذا اليل الطويل ..
يهمس شيء في قلبي العليل ..
ان الله على كل شيء قدير ..