خيال

بيحبها كلها
كده على بعضها
بهدؤها و بجنانها
وشقاوتها و حنانها
وفي كل حالاتها و الوانها
تسآله ليه يقول كده وخلاص
مهي ربت جواه اخلاص
وهي بتحبه كمان
اصلهاشايفة جواه انسان
بيحلم احلام الوان
وتشوف خياله تقول فنان
بتحبه حب خيالي
لا يخطر على بالك و لا بالي
ده فارسها في كل زمان ومكان
فارس بأخلاقه من غير حصان
دي بتدعي قبل ما تنام
يكون وياها في احلى مكان
جنة خلد عند الرحمن :)
و متسألونيش ده جد ولاخيال
يمكن جد ...يمكن خيال ..
بس مفيش على ربنا محال

سلمى الريس