تسمحلي أنصب عليك ؟؟

اسمحلي انصب عليك
و اسرق الدمع من عنيك
و أنا إيدي في إيديك ..
تسمحلي ؟؟

واسمحلي أسرق كمان ..
من جواك شوية أحزان ....
و ارميها في اي مكان ...
وازرع جواك ورد الوان...
و أخليك أسعد إنسان ..
تسمحلي ؟؟

اسمحلي انصب نصباية
وواكتب معاك اجمل حكاية
تكون إنت فيها ويايا
يا فرحة عمري و هنايا
تسمحلي ؟؟

اسمحلي انط سور قلبك
واشيل همومك و مشكالك
و في فرح و حزن أكون جنبك
تسمحلي ؟؟

تسمحلي أنصب عليك
دة أنا عندي فكرة هايلة
و أنا عارفة دي دنيا زايلة
لو شفنا سحابة للهم شايلة
نقولها الشمس برضة جاية
تسمحلي ؟؟

تسمحلي أنصب عليك
و أبيعلك حبة جنان
دة أنا شايفة جواك إنسان
ماسك ريشة فنان
شايل همة على كف
و في الكف التاني ألوان